د رسول الله صلی الله علیه وسلم او ابوبکر صدیق رضی الله عنه څخه وروسته د نړۍ د ټولو نه د لوی عادل شخص حضرت عمر رضی الله عنه دا څو غوره نصیحتونه او پندونه زموږ د ژوند یون او سمون راښیی. کېدای شي په عملي کولو سره یې زموږ د ښه ژوند سرمشق وګرځي.

۱ ـ ژړا نه کول د زړه سختۍ په معنی دی؛

د زړه سختي د ډېرې ګناه له امله دی ؛

ډېره ګناه د ډېرو غوښتنو له امله ده ؛

زیاتي غوښتنې د مرګ هېرولو له امله دي ؛

د مرګ هېرول د دنیا د مال سره د محبت له امله دی ؛

د دنیا د مال سره مینه د ټولو خطاګانو پیلامه ده .

۲ ـ خلک په بد لقب سره مه بولئ .

۳ ـ هره ورځ د الله څخه عفو وغواړئ.

۴ ـ الله تل د ځان ناظر وبولئ .

۵ ـ د ګناه لذت فاني او عذاب یې طولاني وبولئ .

۶ ـ بې له تحقیق څخه قضاوت مه کوئ.

۷ ـ اجازه مه ورکوئ چی ستاسو په حضور کی د چا غیبت وشي.

۸ ـ صدقه ورکوئ، د خلکو جیب ته سترګي مه نیسئ.

۹ ـ زړه ور اوسئ، مړینه یو ځل راځي.

۱۰ ـ هڅه وکړئ چی تر ځان وروسته ښه نوم پریږدئ.

۱۱ ـ دین پالنه ډېره سخته مه نیسئ ( یعنې په دین کی سختي مه کوئ ) .

۱۲ ـ د علماوو او پوهانو سره د ښه عمل له لارې اړیکي ولرئ .

۱۳ ـ انتقاد ومنئ.

۱۴ ـ مکار او حیله ګر مه اوسئ.

۱۵ ـ د کمزورو ملاتړي اوسئ.

۱۶ ـ که څوک پور نه درکوي ، نو مه یې ترې غواړئ .

۱۷ ـ نېک عمله مړه شئ.

۱۸ ـ ځان د دین له پاره الله ته مسؤل وګڼئ.

۱۹ ـ فحاش او سپک مه اوسئ.

۲۰ ـ تر خپل طاقت اضافه عبادت مه کوئ .

۲۱ ـ زړه سوانده اوسئ.

۲۲ ـ د قرآن ملګري اوسئ.

۲۳ ـ څومره چی کولی شئ د خلکو د ستونزو هوارونکي اوسئ.

سبحان الله . دا هره فقره د سوکالۍ ، خوښۍ او نېکمرغۍ خوا ته مزل دی.  که موږ د دوهم خلیفه همدا لارښووني او نصیحتونه عملي کړو، تر ډېره به مو ځان او ټولني ته ستر دنیوي او اخروي خدمت کړی وي. بس یوه پاکه اراده او فیصله غواړي.