غزه کې د اشغالګر رژیم یوه چورلکه نسکوره شوې
الجزیرې د خپلو سرچینو له قوله راپور ورکړی، چې د غزې سویل کې پروت خان یونس ښار شمال کې د اشغالګر رژیم یوه چورلکه نسکوره شوې.
تر اوسه د دې چورلکي د نسکورېدو د لامل په اړه څه نه دې ویل شوي.
بلخوا د اسرائیلو رسنیو هم راپور ورکړی، چې خان یونس کې یوه پېچلې امنیتي پېښه رامنځته شوې.
اسرائیلي رسنیو ویلي، د پېښي له ځایه د ټپي پوځیانو د ژغورنې لپاره نورې چورلکې هم سیمې ته تللې دي.
دغو رسنیو شجاعیه کې هم د دوي د پوځیانو پر وړاندې د امنیتي پېښي خبر ورکړی.
