د ریاست الوزراء اقتصادي مرستیال ملا عبدالغني برادر اخوند د یو لوړپوړي پلاوي په مشرۍ د روسیې تاتارستان جمهوریت کازان ښار ته ورسېد.

اقتصادي معاونیت ویلي، د کازان په نړېوال هوايي ډګر کې د ریاست‌الوزراء اقتصادي مرستیال په مشرۍ د اسلامي امارت لوړپوړي پلاوي ته د تاتارستان جمهوریت د رهبر مرستیال تود هرکلی ووایه.

دغه سفر د کازان ۱۶م نړېوال اقتصادي فورم کې د ګډون په موخه شوی دی.

اقتصادي معاونیت د دې ناستې موخه د روسیې او اسلامي هېوادونو ترمنځ د اقتصادي، سوداګریزو، علمي او کلتوري همکاریو پراختیا یاده کړې.

د یادونې ده، چې دغه ناسته به د روانې غویي میاشتې له ۲۳مې تر ۲۸مې نېټې د روسیې کازان ښار کې ترسره کیږي.