عدلیې وزیر د سن پټرز بورګ نړېواله غونډه کې د ګډون لپاره روسیې ته ولاړ
دا د روسیې په کوربتوب د سن پټرز بورګ نړېوالې حقوقي مجمع ۱۳ مه ناسته ده چې د افغانستان استازیتوب پکې عدلیې وزیر شیخ عبدالحکیم شرعي کوي.
د عدلیې وزارت د معلوماتو له مخې ښاغلی شرعي به دغې غونډه کې د قوانینو څرنګوالي، نړېوالو حقوقو کې د اصلاح اړتیا، د عدالت ټینګښت او نړېوالو تعاملاتو په اړه د اسلامي امارت د دریځ په اړه خبرې وکړي.
د سن پټرزبورګ نړېواله حقوقي ناسته کې د بېلابېلو هېوادونو د عدلیې وزارت، قضایي چارواکي او حقوقي متخصصین برخه اخلي.
ټاکل شوې دغه ناسته به د دوشنبې په ورځ د روسیې په سن پټرزبورګ ښار کې پیل شي چې درې ورځې به دوام وکړي.
