د پاکستان له زندانونو نږدې ۳۰۰ افغانان ازاد شول
کډوالو چارو وزارت وايي، د پاکستان له زندانونو د غبرګولي میاشتې په لومړۍ او دویمه نېټه ۲۸۷ تنه افغانان، چې د پاکستان په بند خونو کې وو ازاد او هېواد ته راستانه شول.
وزارت وايي، دغو کسان د قانوني اسنادو په درلودو بیا هم د پاکستان په بېلابېلو سیمو کې نیول شوي او د یوې ورځې څخه تر ۱۰ ورځو پورې بندیان و.
د سرچینې په خبره، د ثبت تر پروسې او بشري مرستو د ترلاسه کولو وروسته یاد کسان خپلو پلرنیو مېنو ته لیږدول شوې دي.
