عامې روغتیا وزیر ایران کې افغان متخصصینو سره د کاري فرصتونو برابرولو ژمنه کړې
د عامې ورغتیا وزیر مولوي نورجلال جلالی تهران کې د فوق تخصص ښوونیز پروګرام افغان متخصصینو سره کتنه کې ویلي، افغانان تاسو ته اړتیا لري.
ښاغلي جلالي افغان متخصصینو ته ډاډ ورکړی، چې د زده کړو تر پای ته رسېدو وروسته به اسلامي امارت دولتي برخو کې د خدمت په موخه کاري فرصتونه ورته برابر کړي.
نوموړي همداراز ژمنه ورکړې، چې هغوی ته به د زده کړو برخه کې اسانتیاوې برابرې او ستونزو ته به یې رسېدنه وکړي.
