اذربایجان افغانستان کې د غالۍ اوبدلو حرفه یي ښوونیز مرکز جوړوي
کابل کې د اسلامي همکاریو سازمان د اذربایجان پراختیايي ادارې په مرسته افغانستان کې د غالۍ اوبدلو حرفه یي ښوونیز مرکز جوړوي.
په همدې موخه کابل کې د اسلامي همکاریو سازمان استازولۍ د اذربایجان نړېوالې پراختیایي ادارې یا AIDA او افغانستان کې د اذربایجان سفارت سره یوه هوکړه لاسلیک کړې.
د اسلامي همکاریو سازمان ویلي، دغه پروژه د افغاني غالیو اصیل هنر ساتنې، دودولو او د افغانستان لاسي صنایعو لا ښه والي په موخه پلي کوي.
یاده دې وي دغه ښوونیز مرکز چې د ځوانانو او ښځو په وړتیا تمرکز کوي د سیمه ییزو اوبدونکو لپاره د تخصصي زده کړو زمینه برابروي.
