ملګرو ملتونو کې د روسیې استازی: د اسرائیلو اقدامات به سیمه اټومي جګړې ته بوځي
د ملګرو ملتونو بېړنۍ غونډه کې د روسیې استازي واسیلي نبنزیا ویلي، پر ایران د اسرائیلو بریدونه به سیمه یوې پراخې اټومي جګړې ته بوځي.
نبنزیا پر ایران د اسرائیلو بریدونه د ملګرو ملتونو له منشور او نړېوالو حقونو ښکاره سرغړونه بللې.
بلخوا ملګرو ملتونو کې د چین استازي فوکانګ پر ایران د اسرائیلو برید ته په اشارې ویلي، یاد رژیم له یوې بلې سرې کرښې هم اوښتی یاد کړی.
نوموړي ټینګار کړی، چې بیجینګ د نښتو پراخېدو مخالف دی او د اسرائیلو اقداماتو پایلو ته یې اندېښنه ښودلې.
په ورته مهال یاد سازمان کې د ایران استازي امیر سعید ایرواني د صهیونیستي رژیم برید «وحشیانه او جنایتکارانه» بللی په خبره یې، دغه ډول قصدي او سیستماتیک قتلونه نه یوازي غیرقانوني او غیر انساني دي، بلکي یو تېری شمېرل کیږي.
