د هند شمال کې د یوې چورلکې لوېدو له کبله ۷تنه وژل شوي
هندي چارواکو ویلي، چې د یکشنبې په سهار د هند شمالي برخه کې د یوې چورلکې لوېدو له امله ۷ تنه وژل شوي دي.
رویټرز خبري اژانس ته امنیتي چارواکو ویلي، دغې چورلکې له کدارنات څخه د ګوپتکاشي پر لور مسافر لېږدول چې رودراپرایاگ سیمه کې ولوېده.
راپورونه وايي، هندي چارواکو د پېښې لامل خرابه هوا بللې.
د هندي چارواکو له قوله، په تېره یوه نیمه میاشت کې په همدې مسیر درې بېړنۍ ناستې او دوه چورلکې لوېدلي دي.
