د روسيې ريل پټلۍ ادارې مرستیال کابل ته راغلی
د اوسپنې پټلۍ ادارې خبر ورکړی، چې د روسیې د اوسپنې پټلۍ ادارې مرستیال ایلیا کازاکوف نن پنجشنبه کابل ته په سفر راغلی دی.
یادې ادارې ویلي، د روسې د اوسپنې پټلۍ مرستیال به د هېواد بهرنيو چارو وزارت کې د افغانستان د اوسپنې پټلۍ ادارې د عمومي رئیس ملا بخت الرحمن شرافت سره تر لنډې ناستې وروسته د خواف-هرات د اوسپنې پټلۍ څلورمې قطعې د دوهمې برخې رغونې د تړون لاسلیکولو غونډه کې ګډون وکړي.
د هرات – خواف ریل پټلۍ افغانستان له ایران سره په سوداګریزه راکړه ورکړه کې نښلوي.
