د اوبو د مدیریت هڅې؛ غزني کې هم لس چک دېمونه جوړ شول
د اوبو او انرژۍ وزارت تازه ویلي، غزني کې یې د اوبو مدیریت، ځکمې لاندې اوبو ذخیرې پیاوړتیا او د سېلابونو د مهار په موخه لس کوچني بندونه جوړ کړل.
ددغو چک ډېمونو ټولیز لګښت ۴۰ میلیونه افغانۍ دی چې د غزني بېلا بېلو سیموکې جوړ او تېره ورځ د اوبو او انرژۍ سرپرست وزیر له لوري یې پرانېسته وشوه.
اسلامي امارت د اوبو مدیریت په موخه د یو شمېر لویو بندونو ترڅنګ پر ۴۶۰ چک دېمونو کار پیل کړی، چې له نیماي زیات یې جوړ او پر پاتې نورو یې کار روان دی.
