هرات کې د دوو بندونو د جوړولو تړونونه لاسلیک شول
دا د تذربید او واخل ذخیروي بندونه دي چې تازه یې د سروې، ډېزاین او ودانیزو چارو هوکړې لاسلیک شوې.
د اوبو او انرژۍ وزارت وايي، د دغو بندونو د جوړولو هوکړه یې د اسحاق سدیس په نوم ساختماني شرکت سره لاسلیک کړې ده.
د دې هوکړې له مخې به یاد شرکت د ذخیروي بندونو د سروې، ډیزاین او پلي کولو چارې پیل کړي.
یاد وزارت د دې بندونو په اړه نور معلومات نه دي خپاره کړي.
دا په داسې حال کې ده، چې اسلامي امارت د اوبو مدیریت خپل لومړیتوب بولي او د همدې هدف لپاره یې په سلګونو وړونو بندونو سربېره د ګڼو سترو بندونو چارې پیل کړې، چې ځیني یې بشپړ شوې هم دي.
