هند کې یوه مسافر وړونکې الوتکه نسکوره شوې
هندي رسنیو راپور ورکړی، چې د دغه هېواد له احمداباد ښاره د لندن په لور تلونکې د انډیا ایر هوایي شرکت یوه الوتکه د احمداباد هوایي ډګر ته څېرمه نسکوره شوې.
ایکانامیک ټایمز خبر ورکړی، چې دغې الوتکې ۲۴۲ تنه کسان لېږدول، چې تر نسکورېدو وروسته یې اور اخیستی.
تر اوسه د دې پېښي بشپړ جزیات نه دې ورکړل شوي، خو هندې چارواکو ویلي، د اور وژنې ټیمونه یې د اور مهارولو په موخه سیمې ته رسېدلي دي.
