اسلام کلا کې د بېرته راستنېدونکو لپاره لنډ مهاله پنډغالي په جوړیدو لاس پورې شو
د پېښو سره د مبارزې ملي اداره وايي، اسلام کلا سرحد کې یې د کډوالو لنډ مهاله مېشتیدنې په موخه د خیمو لګول پيل کړي دي.
له پېښو سره د مبارزې ملي ادارې ویلي، دغه ګام یې د کډوالو موقتي مېشتېدنې او لومړنیو امکاناتو برابرولو په موخه اخیستی.
د یادي ادارې مسئولینو ویلي، دغه خیمې د اوسیدو لومړنۍ اسانتیاوې لري، چې ښځو، ماشومانو او زیانمنو ته به ورکړل شي.
وړاندې تر دې هم له پېښو سره د مبارزې ملي ادارې په تورخم او ورېښمو پل سیمو کې هم د کډوالو مدیریت په موخه ورته اقدام کړی و.
